№ 4 Қарауылкелді орта мектеп-гимназиясының кітапханасы ұлағатты ұстаз, ақын, жазушы Ыбырай Алтынсаринның 180 жылдығына арналған «Ыбырай – ұлттың ұлы ұстазы» атты кітап көрмесін ұйымдастырылды. Көрменің мақсаты – жас оқырмандарға белгілі қазақ жазушысы және ағартушысының шығармашылығын кеңінен таныстыру.Көрмеге 11 сынып оқушылары қатысты. Оқушыларға Ыбырай атамыз туралы құнды ақпараттар беріліп, өмірбаянымен қатар,ұстаздық жолындағы атқарған үлкен қызметіне шолу жасалды. Көрмеге қойылған повестері мен әңгімелері, ертегілері мен өлеңдері, ол туралы жазылған мақалалар, шығармашылығы мен педагогикалық қызметі туралы қызық ақпараттар оқырман көңілінен шықты.