Қажығали Мұханбетқалиұлы атындағы орта мектеп-гимназиясында қазақ тілі мен әдебиеті пәні бірлестігінің «Тіл білімі әлемінде»  апталығының аясында 9 сыныптар арасында қазақ тілі мен әдебиеті пәні мұғалімі Ж.К.Алжанова 24 сәуір күні «Бұқар жырау – 355 жыл» атты сыныптан тыс шарасын өткізді. Қатысушылар жыраудың толғауларын нақышына келтіре мәнерлеп оқып, «Биік тауға жарасар» жыры бойынша сурет салды.  Сонымен қатар, «Оқуға құштар мектеп» жобасы бойынша мектеп кітапханашысымен біріге отырып, көрмеге қойылған кітаптарға шолу жасалды.